小柔與小欣

2009年2月14日星期六

我依家住的屋企, 已經住左成十年, 想當年入住的時候, 鄰居A先生有三個女, exactly 當時佢幾多歲, 我真係唔知, 我估大約十歲左右, 十年之後, 鄰家有女初長成, 三個女已經亭亭玉立, 而A先生因為屋企唔夠住, 而要响同一屋苑買多一間屋比自己兩公婆住, 原先的單位就留比三個女住.

前兩天早上, 我同 daddy 等 LIFT 的時候, 聽到A先生屋企有人出門口, 仲要有一把年青男仕的聲音,

我心中有數, 立即擰轉面, 免得尷尬, 後來那位男仕响門口比左一個情深的一吻

比A小姐之後, 就立即從後樓梯走左, 冇同我地一齊等 LIFT.

依個時候, daddy 先話 ..

DADDY : 依 ~ 點解果個男人响A 先生屋企出黎geh ?

我 : 你醒目 D 啦, A小姐個 boy friend黎架, 咩你頭先聽唔到情深的一吻咩 ?

可能我地都算睇住佢大, 所以我立即諗, 如果第時我個女又係咁, 我應該點處理呢 ? 我知道依個年代十二, 三歲拍拖已經見慣不怪, 我自己都係F.5 開始拍拖, 明白到家長反對力越大, 佢地的反抗力就會越大, 但係 ....如果真係發生响自己個女度, 咁...我仲可唔可以講得咁輕鬆呢 ?

網頁