我們的下一代

最近同daddy 傾開九歲兒童自殺事件, 發覺我地依家真係唔知應該點樣教下一代好 ..

我地細個時, 成日比亞媽鬧, 印象中, 我亞媽從來未稱讚過我, 但係就成日响人地面前鬧我 ..到我出黎做野之後, 就發覺自己好冇自信心, 成日覺得自己差過人, 樣樣野都唔掂.

現代兒童心理學教人要多稱讚小朋友, 令佢地將來可以有自信心, 因為我的童年經歷, 令到我堅信不異, 所以小柔一出世, 我便時常去稱讚佢, 希望佢唔好重蹈我geh 覆轍, 將來做個有自信心geh 人..

小柔依家兩歲幾, 我地開始可以見到佢geh 性格 ..性急, 大脾氣, 有主見, 成日以為自己好叻, 自己啱晒, 唔聽教, 要做主角, 一發覺自己唔係主角, 就會好down, 唔肯玩 ...

Daddy 就話一定要比d 挫敗感佢, 唔可以事事遷就 ..我都知 ..但係因為同埋婆婆住, 根本就冇可能做到比挫敗感小柔, 因為每次daddy 鬧親小柔, 婆婆就會第一個出現 ..

唉 ~ 我真係唔知應該點做 .. 我們的下一代, 打又唔打得, 鬧又唔鬧得, 但係讚得多又驚佢地變到好自大...

我們的下一代, 我地應該點樣教好呢 ?